राष्ट्रपती निवडणुकीपूर्वी ममता बॅनर्जींनी बोलावली विरोधकांची बैठक, सीएम ठाकरे आणि संजय राऊत येणार नाहीत, जाणून घ्या काय आहे कारण?

राष्ट्रपती निवडणुकीपूर्वी पश्चिम बंगालच्या मुख्यमंत्री ममता बॅनर्जी यांनी बोलावलेल्या विरोधी पक्षांच्या संयुक्त बैठकीला महाराष्ट्राचे मुख्यमंत्री उद्धव ठाकरे उपस्थित राहणार नाहीत. या बैठकीत ममता बॅनर्जी यांनी बिगर भाजपशासित राज्यांच्या मुख्यमंत्र्यांना बोलावले आहे. यासोबतच महाराष्ट्रातून राष्ट्रवादीचे अध्यक्ष शरद पवार यांनाही पाचारण करण्यात आले आहे. मात्र या बैठकीत उद्धव ठाकरे सहभागी होणार नाहीत, अशी माहिती शिवसेनेचे प्रवक्ते संजय राऊत यांनी आज (12 जून, रविवार) पत्रकारांना दिली. ममता दीदींनी बोलावलेल्या बैठकीला संजय राऊतही जाणार नाहीत. या वृत्तामुळे राजकीय वर्तुळात चर्चेचा बाजार तापला आहे.

याआधीही ममता बॅनर्जी भाजपविरोधात विरोधी पक्षांच्या आघाडीसाठी महाराष्ट्रात आल्या होत्या, तेव्हा शरद पवार यांनी काँग्रेसच्या नेतृत्वाशिवाय भाजपविरोधातील कोणतीही आघाडी यशस्वी होऊ शकत नाही, असे स्पष्ट केले होते. त्यानंतरही मुख्यमंत्री उद्धव ठाकरे यांनी त्यांची भेट घेतली नाही. प्रकृती अस्वास्थ्यामुळे त्यांना रुग्णालयात दाखल करण्यात आले होते. ममता बॅनर्जी यांना हॉस्पिटलमध्ये भेटायचे होते पण ते शक्य झाले नाही. ममता बॅनर्जी यांचे पर्यटन मंत्री आदित्य ठाकरे आणि संजय राऊत यांनी स्वागत केले.

(बातमी अपडेट करत आहे…)